5ª sesión con Luz

Nesta quinta e última sesión antes do Nadal, traballamos as actividades de comprensión oral. Para iso, comezamos cunha pequena actividade de warm up.

Consistía en que estando todos en silencio, Luz dicía dúas palabras sinalando unha cara a esquerda e a outra cara a dereita. En función do que preferises (té/café, praia/montaña), tiñamos que aliñarnos nese lado e falar con alguén sobre iso (Por que che gusta o té e non o café? Cándo tomas café?). É un tipo de actividade interesante para traballar o presente simple, os gustos e que os alumnos se coñezan un pouco máis. O problema que lle vin foi a distribución da nosa aula, que non se presta a ese tipo de actividade.

Existen tres tipos de actividade relacionados coa comunicación oral:

1. Expresión oral unidireccional :presentación, exposición
2. Interacción: roleplays, entrevista
3. Mediación: input –mediador-output

Para deseñar unha actividade comunicativa cómpre:

1.      Dar un apoio visual.

2.      Dar un contexto real.

3.      Debe haber un elemento de motivación

4.      Non centrarse no erro.

Con respecto ó deseño de actividades, existe un concepto moi vinculado: o concepto Minimax. Consiste sacarlle o máximo proveito a unha actividade coa minima preparación.

Se nun futuro traballamos nun instituto, debemos ter en conta varios aspectos á hora de preparar actividades orais. Estas son algunhas das pautas que se deben seguir:

Ø  Instrucións moi sinxelas e claras para aproveitar ao máximo a hora de clase e que non haxa dúbidas.

Ø  Selección de material sinxelo.

Ø  Actividades que se poidan reciclar.

Ø  Actividades fáciles de organizar, flexible e inclusivas

Tipos, técnicas e actividades

Brainstorming

Serve para facer unha avaliación inicial, é moi participativa porque é un contexto seguro e non require ningunha preparación.

Exemplo: que actividades podemos facer co alfabeto? Facer un brainstorming de ideas, agrupar ao alumnado e asignarlles unha actividade  das que se propoñan a cada grupo.

Na clase pensamos nas seguintes:

Personificar as letras

Asociar letras con nomes da clase

Aforcado

Deletrear

Cantar o alfabeto

Palabras encadeadas

Facer listas

A través de listas de respostas podemos traballar estruturas. Por exemplo:

• One question, too many answers:

Why didn’t you do your homework? (traballamos o pasado)

Because I forgot.

Because I was tired.

Because I didn’t want to.

What will you do with the money your parents will give you in Christmas? (traballamos o futuro)

I will buy a new mobile phone.

I will give it to charity.

Adiviñar

Ø  Two truths, one lie

Ø  Escribir titulares de xornal extraños

Xogos con código secreto

Ø  Psicólogo

Este foi, de lexos, a mellor actividade que fixemos ata o de agora. Para este xogo precísanse varios voluntarios, na clase fomos seis, se mal non recordo.

A profesora explica que os voluntarios padecemos unha enfermidade mental, que o resto da clase debe adiviñar facéndonos preguntas a cada un dos "enfermos".

O xogo consiste en que a persoa que contesta, debe facelo coma se fose a persoa que está ao seu lado. 

Por exemplo:  Se che preguntan se tes os ollos marróns, e a persoa que está ao teu lado ten os ollos azuis, e contestas "Si", esa persoa grita "Psicólogo!" e todas as persoas que participan no xogo cambian de sitio gritando.

O obxectivo non é que descubran a "enfermidade", senón que fagan o maior número de preguntas posibles. 

Ø  My aunt from Woollamalloo

A profesora explica que ten unha tía que vive nun pobo en Australia chamado Woollamalloo. Esta tía é un tanto peculiar en canto aos seus hobbies. O alumnado fai preguntas para saber qué cousas lle gusta facer e cáles non.

O secreto do xogo é que soamente lle gustan as actividades que conteñan dúas letras repetidas. Por exemplo:

She likes shopping, going to the swimming pool.

Predecir/Discurrir

Poñer un vídeo e facer preguntas, como o de “Ormie the pig”

Podemos facer unha lista a modo de warm up con ideas de cómo pode conseguir as galletas. Unha vez visto o vídeo, compróbase cáles empregou e cáles non, pódense engadir as que saen no vídeo. Todo isto pode ser unha actividade de expresión escrita, na que teñan que encher ocos (He uses to…).

Fotos extrañas

Podemos presentar algunhas fotos que se saian do común, que teñan algo de particular e que os alumnos intenten buscar o porqué. Un bo exemplo son as fotos de Dina Goldstein, como esta:

Bolsa con obxectos

Unha simple bolsa chea de obxectos da vida cotiá podenos ser de moita utilidade se nos sobra tempo e non temos actividades preparadas.

Podemos facer:

1.   Roleplays: con dous voluntarios pódese practicar unha situación de roleplay nunha tenda. Un ten que comprar un obxecto (procuraremos que non saiba como se di) e o tendeiro ten que facerlle rpeguntas para adiviñar o que é.
2.   Describir algo en 30 segundos
3.   Enumerar os usos que ten un obxecto sin ser o habitual (lateral thinking)
4.  Nomear dous sitios: dar un obxecto e un lugar (xardín, sala de estar) e pedirlle ao alumno voluntario que diga para que o pode usar nese sitio en concreto.

4ª sesión con Luz

Comezamos esta cuarta sesión con varias actividades de warm-up, como non podia ser menos.  A verdade é me parece unha forma moi interesante de captar a atención dos estudantes, porque sempre estamos expectantes a ver que nos trae Luz.

Warming up with “Eggs”

Son un tipo de actividades sinxelas pero moi motivadoras porque dependendo da resposta, o alumno reflexa a súa personalidade.

Son dúas preguntas moi sinxelas:

1.       If you found the egg of an unknown animal, where would you put it?

Ø  In a tree

Ø  Beside a river

Ø  Beside a road

Ø  In a cupboard

2. How do you eat a fried egg?

Ø  The white first

Ø  The yolk first

Ø  You mix both

Warming up with priorities

O alumnado ten que ordear por prioridades as seguintes oracións.

1.      The telephone is ringing.

2.      The baby is crying.

3.      Somebody is knocking at the door.

4.      Your clothes are drying and it’s starting to rain.

5.      The sink is flooded.

Segundo este exercicio, a personalidade do estudante estaría reflexada na clasificación das prioridades. No meu caso escollín,

2. The baby is cryingà family

5. The sink is floodedàsex

4. Your clothes are getting dried and it’s starting to rainàmoney

3. Somebody is knocking at the dooràfriends

1. The telephone is ringingàwork

Actividades de comprensión escrita

Á hora de deseñar este tipo de actividades, temos que ter en conta varios aspectos.

O obxectivo primordial é que desenvolvan estratexias lectoras, por iso as actividades que deseñemos teñen que pedir información concreta. Deste xeito, o alumnado centrarase no que se lle pide e non se bloqueará frente a estruturas gramaticais ou vocabulario novos.

Por outro lado, estas actividades deben ser comunicativas. O trasvase de información non pode ser unidireccional. Para fomentar a motivación no alumnado, debemos buscar materiais que resulten o máis auténticos posibles, é dicir, que o contexto sexa real.

Procedemento

O procedemento á hora de deseñalas é idéntico ao empregado na comprensión oral.

·         Actividade de warm up.

Ø  Predecir o contido a partir do título

Ø  Dar a opinión

Ø  Preguntar, explorar sobre o que saben do tema

Ø  Describir as ilustracións (se as hai)

Ø  Brainstorming

·         Actividade despois da 1ª lectura (sinxela)

Ø  Poñer a ilustración onde corresponda

Ø  Poñerlle un título ao texto

·         Actividade despois da 2ª lectura (complexa)

Introducir vocabulario ou contidos gramaticais. É unha boa forma de ver a gramática en contexto (método indutivo).

·         Actividade de postlectura

Ø  Trasvase de información

Ø  Resumo escrito

Ø  Ampliación sobre o tema. Pódese proporcionar unha páxina web e o alumnado debe seleccionar algo que sea do seu interese e faga un pequeno resumo. Por exemplo: se o texto trata sobre un monumento que sexa Patrimonio da Humanidade, podémoslles pedir que entran na páxina web, vexan que outros monumentos son Patrimonio da Humanidade e escriban sobre el.

Ø  Comentario sobre o tema

Á hora de deseñar estas actividades de postlectura, que podemos mandar como deberes, debemos facelo de tal forma que o alumnado non teña a opción de facer un “corta pega”.

Por iso é moi importante que sexa unha actividade individual e persoal, o contido ten que saír deles, e non dunha páxina web. Isto non quere dicir que non poidan obter información de Internet, poden empregar dicionarios en liña e demais, seleccionar fotos ou datos que lles poidan enriquecer o seu traballo, pero nunca substituír o traballo persoal.

Por exemplo, no canto de describir a alguén famoso, podemos pedirlles que falen dalguén a quen eles admiren.

O control de lectura

Algo moi habitual na clase de lingua estranxeira é facer un control de lectura.

Para poder atender á diversidade, debemos propoñer varíos títulos de varios niveis e que eles escollan.

Como proba de lectura podemos facer un test de resposta multiple e un comentario (opcional).

Unha maneira de motivar ao alumnado e de sacarlle todo o proveito esta comprensión lectora, Luz contounos o que ela fixo na súa clase varias veces, algo moi sinxelo de preparar pero que ten moito éxito.

Pediulles aos alumnos que despois de ler o libro, seleccionasen un anaco que lles parecese interesante. Debían engadirlle una foto relacionada co libro e escribir en dúas ou tres liñas a quen llo recomendaban.

Unha vez feito, colgáronse todos os traballos nas paredes da clase e dedicaron parte dunha clase a ler os diferentes extractos de libros. Tamén fixeron un concurso no que votaron cál era o máis elaborado.

Outra forma, quizais máis innovadora, é traballar con book trailers. Trátase dunha moda moi recente que está tendo moi éxito, da que podemos tirar moito proveito na nosa clase.

Con Luz vimos o book trailer de Cirano de Bergerac, este vídeo soamente tiña imaxe e texto, liñas moi breves que facían o resumo do libro en cuestión.