Esta primeira sesión con Luz foi de introdución e de toma de contacto con ela, pero traballamos de forma xeral varios aspectos importantes na didáctica da lingua de estranxeira.
Primeiro, fixemos dúas actividades de
warm up. Na primeira, Luz contou tres feitos da súa vida, e nos tiñamos que
adiviñar cál das tres era falsa. O obxectivo desta actividade era romper o xeo
e ter a primeira toma de contacto entre a profesora e o alumnado e facer unha
avaliación inicial do grupo.
Na segunda actividade tiñamos que encher
uns espazos determinados con datos personais seguindo as instrucións da
profesora. Con esta actividade traballamos a comprensión oral e dunha forma moi
sinxela, algo que temos que ter sempre en conta é que o information gap ten que
ser real.
Na segunda parte da clase traballamos
varios conceptos básicos vinculados á didáctica das linguas estranxeiras. Son
os que seguen:
AICLE/CLIL
(Content Learning Integrated Language)
Consiste en impartir unha material do
curriculum (Matemáicas, Xeografía,etc) nunha lingua estranxeira; a lingua estranxeira pasa a ser a lingua
vehicular.
Competencias básicas
Son unha serie de habilidades que todo o
alumnado debe alcanzar durante a educación obrigatoria. Son 8:
Ø competencia
lingüística
Ø competencia
matemática
Ø competencia
de coñecemento e interacción co mundo físico
Ø competencia
dixital
Ø competencia
social e cidadá
Ø competencia
cultural e artística
Ø competencia
para aprender a aprender
Ø competencia
da autonomía e iniciativa persoal
Enfoque
por tarefas
É a proposta dun programa de aprendizaxe
de lingua, que ten por obxectivo fomentar a aprendizaxe mediante o uso real da
mesma en contextos comunicativos reais.
Sección
bilingüe
Son clases ou grupos que en determinados
centros teñen dúas linguas vehiculares, normalmente estas adoitan ser o
castelán e o inglés.
Life
skills
Como o propio nome indica, son unha
serie de capacidades “para a vida”; o obxectivo das competencias básicas é que
o alumnado as adquira e as integre, de maneira que lle poidan servir para toda
a súa vida.
Marco
común europeo
É un estándar europeo que sirve para
medir o nivel de comprensión oral e escrita nunha lingua.
Avaliación
formativa
Trátase de actividades que permiten
avaliar certos contidos vistos en clase antes de pasar a outro tema.
Descriptores
(rubrics)
Son grellas nas que aparecen os
obxectivos e contidos que o alumnado debe alcanzar nun período de tempo, axudan
á avaliación do alumnado
Atención
á diversidade
É unha cuestión prioritaria hoxe en día
no sistema educativo, é un apartado que fai referencia ás actividades de
reforzo que o docente debe incluír na unidade didáctica para aquel alumnado que
teña necesidades especiais.
Por
último, estivemos vendo a “notional-functional approach”. Xurdiu nos anos 70;
este enfoque comunicativo ten as seguintes características.
1. Ten
que haber un needs analysis.
2. O
information gap ten que ser real.
3. Ten
que haber un contexto, ten que ser meaningful.
Céntrase en
actividades e tarefas (task approach).
A diferencia dos exercicios, que están controlados polo docente e teñen un
carácter restrictivo, nas actividades e tarefas hai un aporte do alumno.
As actividades
de lingua traballan catro skills ou compétences. Ademais, produciuse un cambio na súa
división (reading, writing, listening, speaking) a capacidades receptivas
(reading, listening) e productivas (writing, speaking).
A primeira impresión desta clase foi moi boa, ten un carácter moi práctico, espero que sexan todas así!
