1ª sesión con Carlos

Nesta primeira sesión, de toma de contacto, traballamos varios conceptos básicos para comprender a didáctica da LE. Este conceptos son a lingua inicial, a segunda lingua e a lingua estranxeira.

Lingua inicial: é a que primeiro aprende unha crianza, de forma inconsciente e antes da etapa escolar.

Segunda lingua (ou lingua ambiental): adquírese despois da inicial, de forma consciente porque estamos expostos a ela na escola, na rúa ou no traballo.

Lingua estranxeira: apréndese na escola, de forma consciente e non se trata dunha lingua vehicular.

Con respecto ao contexto de uso, distinguimos:

Lingua habitual: usada por un falante na maioría de contextos. Non é sempre a habitual.

Lingua de traballo: constitúe o principal medio de comunicación nunha empresa multinacional, nun organism internacional, ou nun estado plurilingüe.

A lingua de traballo e a oficial non son sinónimas.

Lingua vehicular: serve de medio de comunicación entre falantes de linguas diferentes. Negócianse/escóllense para finalidades ou actividades concretas.

Na didáctica das linguas os obxectivos son enriquecer o repertorio lingüístico do alumnado e cohesionar unha comunidade lingüística. Podemos diferenciar varios tipos de didáctica dependendo da lingua que se ensine (inicial, segunda ou ambiental e estranxeira). Moi vinculado á didáctica das linguas estranxeiras está o concepto de CLIL (Content Learning Integrated Language). Consiste en ensinar unha materia do curriculum (Xeografía, Matemáticas, Plástica,etc.) nun idioma estranxeiro.

Cada vez estase a implantar máis este concepto no sistema educativo. Na miña opinión é algo moi positivo na aprendizaxe, xa que serve para mellorar as competencias lingüísticas na lingua estranxeira do alumnado, e en consecuencia, facilitaralles a aprendizaxe doutras linguas.